Jobb- og utdanningsmessa på Osterøy 2026

Torsdag 12. november,
kl. 18-20

Lyst til å vite meir om utdanningstilbod for vidaregående elevar, spennande lærlingeplassar og unike jobbmoglegheiter i og rundt ein kommune kjend for sin skaparkraft?

Me inviterer elevar, studentar, arbeidssøkjarar og alle som vurderar å skifte jobb, til Jobb- og utdanningsmessa på Osterøy torsdag 12. november klokka 18.00-20.00 i Osterøyhallen. Både personar i og utanfor kommunen er velkomne!

Messa vert arrangert av Osterøy ungdomsskule, Osterøy vidaregåande skule, Kompetansesenteret for Robotteknologi, Osterøy Utvikling, Osterøy Industri- og Næringslag og NAV.

På Jobb- og utdanningsmessa kan du finne draumejobben

På messa kan du snakke med ulike arbeidsgjevarar på stand.

Ta med CV og møt opp i Osterøyhallen mellom klokka 18.00 og 20.00, torsdag 12. november.

Kart over utstillarane 2026

Oppdatert oversikt over årets utstillarar kjem snart.

Litt lengre nede på denne siden finn du alfabetisk liste over alle utstillarane, og link til deira respektive nettsider.

Nasjonal testarena for robotteknologi på Osterøy

Visste du at Osterøy har sitt eige Kompetansesenter for Robotteknologi (KORT), og nyleg vart utnemnt som nasjonal testarena for bruk av robotteknologi av det statlege føretaket Siva - selskapet for industrivekst? Både Osterøy vidaregåande skule og verksemdene på øya har høg kompetanse på bruken av robotar i industriproduksjon. Bedriftene her har over 120 robotar. Osterøy er dermed på Noregstoppen i talet på robotar pr. innbyggjar.

Er du på jakt etter arbeid? Me har samla representantar frå desse og mange andre framtidsretta verksemder som du kan treffa på Jobb- og utdanningsmessa.

Er du elev og skal velje utdanningsprogram på vidaregåande? Osterøy vgs. tilbyr spennande utdanningsprogram og lærlingeplassar innan robotteknologi. På messa møter du representantar frå Osterøy vgs.

Osterøy - kjend for sin skaparkraft

Osterøy Kulturskule har laga ein video om skaparkrafta på Osterøy, både i fortid, notid og framtid. Sjå videoen og lær kvifor det fins eit så stort mangfald av bedrifter på øya.